Beilagen

Zusammenfassung

Nos infrascripti Caesareæ Suae Maj. Ministri declaramus, quod, quamvis foedere defensivo hodie inter Nos ex una et Deputates Ordinum Generalium Foederati Belgii ex altera parte concluso expressum sit, foederatos Ordines ad rationem et deductionem pecuniæ ibidem promissæ in subievationem auxiliorum militis a Cæsarea Sua Mte submittendi numeraturos Ambstelodami aut Hamburgi summam ducentorum millium thalerorum Imperialium vel proportionaliter ad numerum prædicti auxilii militis: Cum tarnen habita moderni temporis ratione id ipsis difíicillimum ac pene impossibile fore deprehendamus, hisce declaramus intentionem contrahentium hanc fuisse, quod casu quo Ordines Generales huic obligationi præfixo tempore minime possent satisfacere, liberum erit Caes. Mti præfatam summam in ipsorum onus mutuo accipere, ad quam facilius acquirendum dabunt apochas et congruas assignationes tarn communi nomine, quam in particulari scilicet Ordinum Hollandiæ Zelandiae Frisiae Groningæ et Umblindiæ sub promissione usurarum hoc tempore solum solitarum in optima forma ad integram Suae Caes. Mtis aut eorum, qui mutuam pecuniam dabunt, satisfactionem, qua accepta præfati Ordines liberi erunt ab obligatione hujus summæ erga Suam Majestatem.